Ermir Muçollari

Para disa muajsh në Palasë ndodhi një krim monstruoz,  pasi një i ri me probleme mendore dhe vartësi nga droga vrau dhe dhunoi në mënyre barbare trupin e një të mituri me të cilin kishte edhe lidhje farefisnore, e më tej u kap nga policia dhe u burgos . Ai tashmë nuk përbën asnjë rrezik për shoqërinë sepse është mbrapa hekurave por ky ishte një krim që mund të ishte parandaluar në qoftë se do të funksiononin institucionet përkatëse , në këtë rast spitali psikiatrik i vlorës .

Po e nis me këtë rast sepse ka shumë të tillë në Shqipërinë e sotme por ky është një nga të shumtit raste që mund të parandalohej, mund të parandalohej që mos t’i jepte mundësinë as Kryeministrit ,Ministrit të Drejtësisë apo Ministrit të Brendshëm të drejtonin gishtin nga sistemi i kalbur i drejtësisë që ata trashëguan nga Saliu .
Mund dhe do të parandalohej një rast vetëvrasje i një kryefamiljari në burg sepse kishte jetuar gjithë jetën i ndershëm por u turpërua duke u dënuar sepse nuk kishte mundësi ekonomike të paguante energjinë elektrike .
Nuk ishte keqbërës , skamja e detyroi të mos paguante dhe turpi të vriste veten .
Mund të parandalohej dhe vdekja e një 17 vjeçari që ra në një gropë në mes tê rrugës në aksin skelë-uji i ftohtë , në qoftë se bashkia apo ministria e transportit që i dha tenderin kompanisë zbatuese do të respektonin minimumin e standarteve minimale për punimet në rrugë .
Mund dhe do ishin shmangur shumë vrasje që kanë ndodhur muajt e fundit për prishje të pazareve të drogës nëqoftëse nuk do të ishte mbjellë kanabis .Do të ishin shmangur patjetër dhe vrasjet e disa grave apo fëmijëve foshnja që kemi dëgjuar të ndodhin këto ditë nësë do të kishte një politikë sociale që do tu mundësonte shqiptarëve strehë dhe ushqim .
Të shumta janë krimet që po vijnë nga skamja dhe skamjen na i ka sjellë politika , kjo politikë që e ka ndarë Shqipërine në të varfër dhe të pasur sepse shtresë të mesme nuk ka .

Në gjithë këtë rrëmujë unë zgjodha të jem Libra ,sepse nuk e shoh në as nje parti veten të përfaqësuar .
Zgjodha të jem Libra, sepse jam i varfër dhe janë të shumtë ata si unë që nuk e shohin veten të përfaqësuar nga politikat e këtyre 26 viteve .Po e bëj këtë për vete dhe për fëmijën tim sepse sot jam prind dhe dua një të ardhme më të mirë se ajo që une pata, jo për fajin tim .
Duke ju falenderuar të gjithëve për kohën që më kushtuat po ju kërkoj dhe njëhere si mua të merrni në dorë fatin tuaj dhe të fëmijëve nëse jeni si unë prind .