LIBRA po ndjek me shqetësim ecurinë e ekonomisë së vendit dhe në vecanti punësimin e të rinjëve. Një sektor shumë i rëndësishem rrezikohen të humbasë mijera ënde pune. Bëhet fjalë për sektorin e Call Centerave.
Më datë 4 Maj 2017 në Kryeministrinë Italiane është nënshkruar një marrëveshje midis 13 kompanive më të medha kontraktuese të shërbimeve call center. Marreveshja ka si synim parësor të limitojë delokalizimin e call centerave jashtë territorit italian si dhe të garantojë që pjesa më e madhe e telefonatave të menaxhohet në tregun e brëndëshëm.
Dukë qënëse kjo marrëveshje nuk po merr rëndësinë e duhur dhe se rrezikon drejtëpërdrejtë punësimin dhe ekonomine shqipëtare, ne si LIBRA kemi detyrimin moral të informojmë qytetarët mbi pasojat e saj.
Disa nga pikat kryesore të marrëveshjes janë:
-
95% e shërbimeve telefonike direkte të kryhen në Itali brënda 6 muajve të ardhshëm.
-
Kontratat e reja të tenderimit duhet të parashikojnë një kuote të dedikuar për call centerat që operojnë në territorin italian. Brenda 18 muajve në vijim kuota për tregun e brëndshëm italian nuk mund të jete më e vogël se 80% e gjithë telefonatave.
-
Të gjithë operatorët telefonikë që operojnë jashtë territorit italian duhet të pajisen me Certifikatën e Gjuhës Italiane niveli B2.
Fakte mbi situatën aktuale:
- Ligji i Bilancit 2017 ka ashpërsuar sanksionet në vecanti për call centerat që operojne jashtë Komunitetit Europian (4 fishimi i sanksioneve vetëm gjatë 4 muajve të parë të 2017)
- Në 2-3 muajt e fundit ka një rënie drastike të kërkesave për punonjës të rinj në sektorin e call centerave, për të mos thënë që numëri i punonjësve është reduktuar ndjeshëm.
- Në websitet kryesore të punëkërkuesve nuk ka lajmërime për rekrutime dhe në call centerat e mëdha nuk kryhen trajnime për punonjesit e rinj.
- Xhiroja vjetore e 13 kompanive kryesore në Itali është 1.235 mln euro (65% i tregut italian) dhe fluksi i punës për call centerat jashtë territorit italian do të ulet deri ne 20% (247 mln euro).
- Sektori i call centerave në Shqiperi, gjatë vitit 2016 ka patur një xhiro vjetore prej 388 mln eurosh dhe numëri i të punësuarve ka arritur mbi 25.000 ose rreth 2% te numrit total te punësuarve.
Pra, duke verejtur masat e marra ne Itali, si dhe duke vëzhguar tregun e punës në shqipëri, në muajt e ardhëshëm parashikohet një rënie drastike e punësimeve dhe xhiros vjetore. Si rrjedhim shumë të rinj do të humbasin punën dhe do ta kenë më të vështirë të rifillojnë punë tjetër.
Efektet negative do të prekin edhe sektorë të tjerë sepse një pjesë e madhe e punonjesve kane kredi për të paguar. Një pjesë tjeter jetojnë me qera. Gjithashtu kompanite paguajnë qerate e ndërtesave ku zhvillojnë aktivitetin e tyre. Shume dyqane dhe lokale rreth e përqark call centerave do të preken indirekt dhe do të ndjejnë renien e fluksit të punes. Do të preken indirekt edhe kompanitë e shërbimeve të internetit, ato të pastrimit dhe sigurimit, etj.
Ndaj, këtu shteti duhet të marrë masa emergjente që këte force aktive ta bëjë përthithëse për tregun e punës dhe ti lërë demagogjitë e ditës.
Zgjidhje
Propozimi jonë është që Qeveria aktuale, dhe ajo që do të vendoset pas zgjedhjeve të datës 18 Qershor, duhet te marrë masa serioze dhe të përshpejtuara për:
-
të rivendosur në tregun e punës punonjesit që humbasin punën.
-
të krijohet mundesia e një fondi social që ti bëjë ballë humbjes masive të punësimit.
(Në rast se një kompani falimenton punëtorët marrin një asistencë prej rreth 7000 lekësh. A ju duket e drejtë që mbas disa vite pune dhe kontribute të derdhura të përfitosh këtë shumë qesharake? Punëtorët kanë familje dhe nuk mund ti bëjnë balle jetesës me një shumë të tillë.) -
të ndryshohet kodi i punës dhe të parashikohen amortizatorë të tjerë sociale për ti bërë ballë, kësaj dhe cfarëdo lloj marrëveshje tjetër, që mund të prekë punësimin dhe ekonominë shqipëtare.
-
të ofrohen kushte ekonomike favorizuese për kompanitë e call centerave që operojne dhe investojnë në Shqipëri duke e bërë vendin tonë akoma më kompetitiv dhe tërheqës për kompanitë e huaja.
Ne si LIBRA jemi të bindur, që kriza politike që ka mbuluar vendin duhet të marrë fund dhe se problemet e qytetarëve duan vëmëndje dhe zgjidhje serioze, përndryshe do do të ketë përsëri një emigrim masiv si në vitet 90.
Përgatiti: Edrin Gaxhenji
